وقفة تأمّل بعد مرور العاصفة الثلجيّة

بعد مرور العاصفة الثلجيّة نعملو وقفة تأمّل بش نشوفو شنيّة الإيجابيّات و السّلبيّات في القصور نبدو بالإيجابيّات : • عنّا مناظر طبيعيّة خلاّبة تخلّي القصور تنجّم تكون جهة ممتازة للاستثمار و لما لا للسّياحة خاصّة في فصل الرّبيع و وقت يصبّ الثّلج • ريتو بلادنا محلاها في الثّلج خاطر آكا الوسخ الّي في الشّارع تغطّى و الكاياسات المحفّرة معادش تظهر مالا علاش ما نحافظوش علا نظافتها على مدار العام الكلّ بش تبقى ديما مزيانة • ثمّا التفاف من جميع المواطنين على بلادهم و النّاس لكلّ وقفت مع بعضها و تحب تعاون و لو حتّى بالدّعاء نتعدّو للسّلبيّات : • بان بالكاشف انّو عندنا بنية تحتيّة هشّة • كان على السّلطات اتّخاذ الإجراءات قبل تراكم الثلوج بما انّو تم اعلامهم مسبقا من قبل المعهد الوطني للرّصد الجوّي • ضعف الإمكانيّات لدى البلديّة و وزارة التّجهيز حيث انّ الطرقات بقت مسكّرة فترة طويلة و ثمّا برشا عباد حصلت في الطّريق • مدينة القصور بقت معزولة لفترة طويلة فما بالك بالأرياف. لعباد ما نجّمتش تتنقّل حتّى بش تجيب الماء • كان من الممكن إعلام سكّان الارياف مسبقا و لما لا ترحيلهم مؤقّتا الى حين مرور العاصفة